Larissa ta fundadó i presidente di Lisle’s Foundation Sickle Cell Awareness. Larissa ta kasá ku Evandro Hooi, nan ta e mayornan di Lisle Hooi ku a pèrdè su bida na edat di 19 aña a konsekuensia di un komplikashon na su higra, kousá pa e malesa di sickle cell. Larissa mes ta un kargadó (AS) di e malesa sickle cell. Aparte di Lisle, Larissa tin 2 yu muhé mas, Eva Hooi i Elaine Hart-Francisca. Larissa ta un empresario, e tin su mes salòn di pedikür.

Drs. Ing. Inusha Curiel-Capriles ta kasá ku Mark Curiel i ta mama di dos yu muhé: Elique & Julianne Curiel ku ta studiando na Hulanda.

Inusha ta un siudadano di Kòrsou ku, despues di su estudio den eksterior, a traha den diferente área di salubridat relashoná ku laboratorio.

Abigaela ta penshonado di Maduro & Curiel’s Bank na unda el a traha  27 aña na diferente filial den e ‘cash area’. Su último funshon tabata ‘assistant branchmanager’.

Abigaela i su defuntu mama ta kargadó (AS) di e malesa di sickle cell. Abigaela ta mama di Larissa i wela stimá di Lisle.