Nos fundashon

Komo ku mayornan i famianan mas yegá di Lisle, ku durante tur e añanan ku a atendé ku Lisle i ku su malesa, a ripará ku e malesa tabata poko konosí. Hopi hende no a tende nunka mes di  sickle cell.  Na skol tampoko.  Anto ta nétamente nesesario pa kaminda ku e pashènt ku tin e malesa di sickle cell ta pasa basta ora, nan ta na altura pa tene kuenta kuné.

Lisle’s Foundation Sickle Cell Awareness tin komo meta:

1. Yuda drecha kalidat di bida di tur pashènt di ‘sickle cell’
2. Enkurashá, sostené i guia tantu pashèntnan komo nan famia
3. Konsientisá i eduká pueblo di e malesa akí
4. Duna informashon di sickle cell usando internèt
5. Organisá aktividatnan pa yuda e konsientisashon, por ehèmpel partimentu di foyeto, pega streki na paña, tene charla, kologá poster i banderín.